មេតុនទីនប្រមូលលុយបាន៦០ម៉ឺនដុល្លារ រួចគេចខ្លួនបាត់ស្រមោល
15-January-2016 | ដោយ មួយឡា
ភ្នំពេញ៖ កូនតុងទីនរាប់សិបនាក់ក្នុងចំណោមកូនតុងទីងជាង៥០០នាក់ បានមកដាក់ពាក្យបណ្តឹង នៅលោកចៅសង្កាត់ចោមចៅ សុំឲ្យអាជ្ញាធរជួយរកដំណោះស្រាយ ដោយចោទប្រកាន់ថា មេតុងទីន បានបោកពួកគាត់ទាំងអស់គ្នា សរុបជាទឹកប្រាក់ ចាប់ពី ៥០ម៉ឺន ទៅ ៦០ម៉ឺនដុល្លារ ។ ការភ្ញាក់ផ្អើលមកដាក់ពាក្យបណ្តឹងនេះ កើតឡើងកាលពីវេលាម៉ោង ៤និង៣០នាទី ល្ងាចថ្ងៃទី១៤ ខែមករា ឆ្នាំ២០១៦ ស្ថិតនៅក្នុងបរិវេណ សាលាសង្កាត់ចោមចៅ ខណ្ឌពោធិ៍សែនជ័យ។
បើយោងតាមការបំភ្លឺ ពីកូនតុងទីន ដែលបានមកដាក់ពាក្យបណ្តឹងថា មេតុងទីនប្រពន្ធឈ្មោះ នាង ស្រីណែត អាយុ ៤៨ឆ្នាំ និងប្តីឈ្មោះ ម៉ា ចាន់ អាយុ ៥០ឆ្នាំ ជាង អ្នកទាំងពីរ រស់នៅក្នុងបុរីសឡា៣ ផ្ទះលេខ៥២ ផ្លូវ៤២២ ភូមិចោមចៅ សង្កាត់ចោមចៅ ខណ្ឌពោធិ៍សែនជ័យ។
ពួកគាត់បានបន្តថា កូនតុងទីនបានបង់ឲ្យមេ ជារៀងរាល់ថ្ងៃ ដោយមិនដឹងថា មេតុងទីនដេញយក ទៅទុកប្រើប្រាស់ខ្លួនឯង លុះពេល មេតុងទីន រូបនេះ ចេះតែតម្លើងការប្រាក់ ទើបពួកគាត់ រង់ចាំការប្រាក់ចុះបន្តិច ក្រោយមកទើបដឹងថា មេតុងទីនបោកពួកគាត់ មិនមានលុយសង ក៏មកដាក់ពាក្យបណ្តឹងតែម្តងទៅ ដើម្បីឲ្យអាជ្ញាធរសង្កាត់ ជួយរកដំណោះស្រាយជូន។
សូមបញ្ជាក់ថានេះមិនមែនជាលើកទី១ឡើយដែលមេតុងទីនប្រមូលបាន ប្រាក់ច្រើនហើយរត់ចោលកូន។ទោះជាករណីបែបនេះបានកើតឡើងជារឿយៗ តែវានៅតែមានអ្នកលេងនិងភ្លាត់ស្នៀតដដែល ដោយសារតែមនុស្សមួយចំនួនចង់សន្សំនិងស៊ីការប្រាក់និងខ្លះទៀត ត្រូវការលុយដុលទៅធ្វើការរកស៊ីអ្វីមួយ៕
ប្រភព ៖ rasmeinews
ចំនួនអ្នកទស្សនា
- ថ្ងៃនេះ541
- ម្សិលមិញ15191
- សប្តាហ៍នេះ43691
- ខែនេះ65571
- ឆ្នាំនេះ65571
- សរុប20508027